🏆🏃♀🏃Нам улууһугар бүгүн Саха төрүт ыстаныы Федерациятын Кубогар ыстаныыга хамаанданан күрэхтэһии буола турар.
Федерация Кубогар уопсайа 11 хамаанда, 62 спортсмен кыттыыны ылар. Бүгүн Нам улууһугар аҕам саастаахтарга 1955 сыллаах ветеран уонна 2011 сыллаах саамай эдэр ыстанааччы ыстаныахтара. Ону тэҥэ, республика бүгүҥҥү бастыҥ спортсменнара Валерия Олесова, Кай Адамов, Игорь Скрябин, Ньургун Сокольников ыстаныахтара.
Былырыыҥҥы Федерация Кубогар Нам улууһа чаҕылхайдык бастаабыта. Дьон көрүүтүгэр, хамаанда эмискэ кыайбыт курдук этэ эрээри, бу улахан үлэттэн кэлэрин атах оонньуутугар толорооччу дириэктэр Максим Ойогостуров бигэргэтэр.
«Күүстээх үлэ барарыгар улуустааҕы спорт управлениетын салайааччыта Павел Иванов үлэтэ биллэ көстөр. Онуоха тренердар дьаныардаах үлэлэри ыыталларыттан ситиһии кэлэр диибин. Холобура, бары күүһүн уурар Николай Кейметиновы үчүгэй үлэлээх тренер диэн сыаналыахха сеп. Туох барыта улахан өйөбүлтэн кэлэр», – диир күрэхтэһии кылаабынай судьуйата Максим Николаевич.
@gazetaensieli
