Тэрийээччилэринэн энтузиаст ытааччылар РФ уонна СӨ маастардара 5 дьүөгэлиилэр, Анна Павлова (Горнай), Лира Трофимова (Хаҥалас), Матрена Андреева (Үөһэ Бүлүү), Наталья Андреева (Амма), Клавдия Тихонова (Мэҥэ Хаҥалас), Валентина Сокольникова (Нам) буолаллар.
Күрэхтэһээччилэр Амматтан, Уус Алдантан, Горнайтан, Бүлүүттэн, Тааттаттан, Төҥүлү уонна Майа командалара Мэҥэ Хаҥаластан, Олекматтан, Орто Халыматтан, Хаҥаластан, Дьокуускайтан икки команда, Намтан икки команда тоҕуоруһа муһуннулар.
Барыта 60 киһи кыттыыны ылла. ВП-40, ПП-40, Белка-ПС, Куропатка-ВПп көрүҥнэргэ 112 киһи ытта.
10 комплект мэтээл оонньонно.
Маны таһынан анал бириистэр туттарыннылар:
– Аҕам саастаах эр киһиэхэ уонна дьахтарга МАУ ЦС Лидер (дир. Яковлев И.В.)
– “Кыайыыга дьулуурун иһин”, Сокольниковтар дьиэ кэргэн
– Хатын Аҏыы нэһилиэгин ытааччылара (уһуйааччы тренер А. Тохтобин)
– “Саамай үрдүк көрдөрүү”, Эверстовтар дьиэ кэргэн
– күрэхтэһии Чемпионнарыгар Turkey Trip World турагенство 66 700₽ Турцияҕа путёвканы оонньотто. Кыайыылааҕынан тарбаҕар талааннаах Хаҥалас улууһуттан Римма Макарова буолла.
Тэрээһиҥҥэ көмөлөспүт дьоннорбутугар барҕа махталбытын биллэрэбит. Чэгиэн туругу, үнүүнү-сайдыыны, дьолу-соргуну баҕарабыт!
