Нам улууһун депатуттарын спартакиадата үгэскэ кубулуйан быйыл 10-с сылын ыытыллар. Кулун тутар 24-25 күннэригэр Нам, Хамаҕатта сэлиэнньэлэригэр 15 нэһилиэк хамаандалара, 150-чэ норуот итэҕэллээхтэрэ мустан спорт араас көрүҥнэригэр 2 бөлөххө арахсар күрэхтэһэллэр. Бүгүн, кулун тутар 25 күнүгэр, Нь.С. Тимофеев аатынан культурнай-спортивнай комплекска күрэхтэһии үөрүүлээх арыллыытыгар улуус баһылыга Юрий Слепцов, олохтоох бэйэни салайыныы боппуруостарыгар департамент салайааччыта Иван Попов, Ил Түмэн депутата Наталья Румянцева көмөлөһөөччүтэ Инна Сивцева, улуустааҕы депутаттар Сэбиэттэрин председателэ Алексей Винокуров кыттыыны ыллылар, күрэхтэһээччилэри эҕэрдэлээтилэр уонна ситиһиилэри баҕардылар. Парадка нэһилиэк баһылыктара бары кыттыыны ыллылар. Сомоҕолоһуу сылынан бары илии илиилэриттэн тутуһан оһуохайдаатылар.
ДЕПУТАТТАР СПАРТАКИАДАЛАРЫН ТҮМҮГЭ!
Улуустааҕы депутат Сэбиэтин уонна нэһилиэктэр депутаттарын Сэбиэттэрин икки ардыларыгар X-c төгүлүн ыытыллыбыт спартакиада үрдүк таһымҥа буолан ааста. Спартакиадаҕа волейбол, дартс, баскетбол корзинатыгар мээчиги быраҕыы, төрүт ох саанан ытыы, миэстэттэн ыраах ыстаныы, пулевой ытыы көрүҥнэригэр күрэхтэстилэр. 2 күн тыҥааһыннаах күрэхтэһии түмүгэ маннык буолла: 1 -кы бөлөххө:
1 миэстэ – Партизан;
2 миэстэ – Хамаҕатта;
3 миэстэ – Нам улууһун депутаттарын Сэбиэтэ; 2-с бөлөххө:
1 миэстэ – Түбэ;
2 миэстэ – Салбаҥ;
3 миэстэ – Арбын нэһилиэктэрин депутаттара таҕыстылар уонна Бочуотунай грамоталарынан, мэтээллэринэн наҕараадаланнылар.
Маны таһынан анал бириистэр туттарылыннылар. Ол курдук: ВОЛЕЙБОЛГА:
Павел Обутов, (1 Хомустаах),
Гаврил Мордосов (Партизан),
Анатолий Дьяконов ДАРТС
Михаил Макаров (Бөтүҥ)
Николай Иванов (Таастаах) БУУЛДЬАНАН ЫТЫЫ
Саргылана Васильева (Хамаҕатта)
Андрей Дьяконов (Түбэ) ОҔУНАН ЫТЫЫ
Анастасия Тимофеева (Хатыҥ Арыы)
Сахаян Аргунов (Салбаҥ) Улуус баһылыга Юрий Слепцов туруорбут анал бирииһин – Нам улууһун депутаттарын Сэбиэтэ ылла. Ил Түмэн депутаттара туруорбут бириистэрин туттулар: Алексей Еремеев бирииһин – Түбэ нэһилиэгэ; Наталья Румянцева бирииһин – Салбаҥ нэһилиэгэ; Петр Юмшанов бирииһин – Хамаҕатта нэһилиэгэ. «Эрэл» ТХПК, «Фудмания» кафе, тыа хаһаайыстыбатын управлениета, волейбол, ох саанан ытыы улуустааҕы федерациялара спонсордаатылар. Николай Игнатьев салайааччылаах «Намкоммунтеплоэнерго» АО, олохтоох бэйэни салайыныы департаменын салайааччы Иван Попов, Намнааҕы техникум дириэктэрэ Ньургун Жирков анал бириистэри туттардылар. Күрэхтэһии түмүгүнэн хамаанда сүүмэрдэнэн республикатааҕы спартакиадаҕа Нам улууһун депутаттарын ааттарыттан күрэхтэһиэҕэ. Спартакиада кыайыылаахтарын, күрэхтэьээччилэри барыларын эҕэрдэлээбит! Спонсордарга улахан махталбытын тиэрдэбит! Барыгытыгар үлэҕитигэр, олоххутугар үрдүк ситиһиилэри баҕарабыт!
