Хабылыкка, хаамыскаҕа республикатааҕы турнир

Новости

Алтынньы 25-26 күннэригэр Наммыт улууһугар тренер, энтузиаст Андрей Петрович Ушницкай кэриэһигэр сэттис төгүлүн хабылыкка, хаамыскаҕа республикатааҕы турнир ыытыллар.

Алтынньы 25 күнүгэр 16:00 чаастан Нам сэлиэнньэтигэр КСК-ҕа республика бастыҥнара, саҥа саҕалааччылар хамаанданан эстафетаҕа кыттыахтара. Ону тэҥэ, хаамысканан умсаах күөрэгэй, сулус диэн көрүҥнэри оонньуохтара.

Иккис күн турнир үөрүүлээх аһыллыыта, хабылык, 5-тээх, 7-лээх хаамыска сытыы киирсиилэрэ күүтэллэр. Түмүккэ турнир муҥутуур кыайыылааҕа аатын былдьаһыахтара. Кыайыылаахтар, призердар мэтээллэринэн, грамотанан бэлиэтэниэхтэрэ. Бастыҥнары анал бириистэр күүтэллэр.

Добавить комментарий

Ваш адрес email не будет опубликован. Обязательные поля помечены *