🏆🥈 🌟💫 НАМ УЛУУҺУН ХАМААНДАТА – СӨ ҮӨРЭНЭЭЧЧИЛЭРИН СПАРТАКИАДАТЫН ҮРҮҤ КӨМҮС ПРИЗЕРА
🥈❤️ Нам улууһун хамаандата “Спортивные якутяне” өрөспүүбүлүкэтээҕи Спартакиадаҕа уопсай түмүккэ Дьокуускай куорат кэнниттэн 2-с миэстэҕэ тахсан улахан үөрүүнү, өрө көтөҕүллүүнү аҕалла!
🥇🚩🚩 Сыл устата улуус дьаһалтатын, улуустааҕы физическэй култуура уонна спорт, улуустааҕы үөрэх управлениетын көҕүлээһиннэринэн сыаллаах-соруктаах, сомоҕолоһуулаах элбэх үлэ баран, кыайыы өрөгөйө кэллэ.
🌿🥇🤼 🎼🥊 Оҕолорбут, тренердэрбит араас таһымнаах күрэхтэргэ кыттан, буһан-хатан, уопутуран Спартакиадаҕа үчүгэй бэлэмнээх тиийдилэр.
Бу ситиһии Нам улууһугар биллэриллибит Оҕо спордун сылыгар кэлбитэ кэрэхсэбиллээх.
Убаастабыллаах тренердэрбит, күндү эдэр спортсменнарбыт!
Кыайыыгытынан ис сүрэхпититтэн эҕэрдэлиибит, өссө да чаҕылхай ситиһиилэр кэлэ турдуннар!
💐💐💐
Аны аҕыйах хонугунан ыытыллар Аан дойдутааҕы Азия оҕолорун оонньууларыгар Сахабыт сирин аатын чиэстээхтик көмүскүөххүт диэн эрэнэбит.
“Нам улууһа” МТ пресс-сулууспата
