Бүгүн, алтынньы 28 күнүгэр, Дьокуускайга «Азия оҕолоро» норуоттар икки ардыларынааҕы VIII спортивнай оонньууларга кэлбит транспордары спортивнай тэрилтэлэргэ туттарыы үөрүүлээх быһыыга-майгыга ыытылынна.
Бэлиэ түгэҥҥэ СР Правительствотын председателэ Кирилл Бычков, СР Правительствотын председателин солбуйааччы Сергей Местников, СР физическэй культура уонна спорт министрэ Леонид Спиридонов кыттыыны ыллылар.
Нам улууһуттан Н.С. Тимофеев аат. олимпийскай эрэллэри бэлэмниир спортивнай оскуолаҕа (директор Василий Винокуров) ПАЗ автобус күлүүһэ туттарылынна.
РСШОР салалтата, коллектива Ил Дархаҥҥа Айсен Николаевка, СР правительствотыгар, СР физическэй культура уонна спорт министрэ Леонид Спиридоновка оҕо спордун сайдыытыгар өйөбүллэрин иһин махталларын тиэрдэллэр.
“Нам улууһа” МТ пресс-сулууспата



