Балаҕан ыйын 7 күнүгэр, I Хомустаахха киэн туттар биир дойдулаахпыт, государственнай уонна политическай деятель, СӨ Ил Түмэн үһүс, төрдүс ыҥырыылаах мунньаҕын депутата, 2005-2008 сс. СӨ Парламенын председателэ, СӨ норуотун хаһаайыстыбатын үтүөлээх үлэһитэ, Нам, Өлөөн улуустарын Бочуоттаах гражданина, “Россиятааҕы национальнай Олимп” бириэмийэ лауреата, 2006-2007 сс. “Бастыҥ лидер” номинация хаһаайына, Саха сиригэр алмаас промышленноһын сайдыытыгар улахан кылаатын киллэрбит Ньургун Тимофеев кэриэһигэр өрөспүүбүлүкэтээҕи күһүҥҥү кросс ыытылынна.
Кросска уопсайа 50 спортсмен Нам (И.Е. Винокуров аат. Намнааҕы педколледжтан, Е.М. Шапошников аат. Хамаҕатта орто оскуолатыттан, Нь.С. Тимофеев аат. республикатааҕы олимпийскай эрэллэри бэлэмниир спортивнай оскуолаттан), Чурапчы, Мэҥэ Хаҥалас улуустарыттан, Дьокуускайтан 500 м, 1000 м, 2000 м, 3000 м, 5000 м дистанцияларга бастыҥы быһаарыстылар.
